უზენაესი სასამართლოს მიერ მიღებულ გადაწყვეტილებას, რომლის თანახმადაც ტელეკომპანია “რუსთავი 2”-ის 100%-იანი წილი ბიზნესმენ ქიბარ ხალვაშს გადაეცა უცხოური მედიაც ეხმაურება. გადაწყვეტილების შესახებ ახალი ამბავი გამოქვეყნდა ბრიტანულ გამოცემა BBC-ში. მასზე წერს რიოტერი, ამერიკის ხმა (VOA), დეილი მეილი და დეილი პროგრესი.
მედიასაშუალებები მკითხველს განვითარებული მოვლენების შესახებ აწვდიან ინფორმაციას და ტელეკომპანიის მფლობელის ცვლილებებზე სხვადასხვა მხარის პოზიციას წარმოადგენენ:
Georgia’s Supreme Court rules against independent broadcaster in ownership battle https://t.co/DOVMrd1OZj
— Reuters World (@ReutersWorld) March 2, 2017
“სახელმწიფო პირებმა დაადანაშაულეს პოპულარული ტელევიზია მიკერძოებულობაში, მაშინ როდესაც ხალვაშის, რომელიც მმართველი პარტიის მხარდამჭერია, მოწინააღმდეგეები შიშობენ, რომ ის გააჩუმებს ხელისუფლების ყველაზე ძლიერ მაკრიტიკებელ ხმას.” – წერს როიტერი.
როიტერის სტატიაში ასევე ვკითხულობთ ამერიკის საელჩოსა და ეუთოს წარმომადგენლის მედიის თავისუფლების საკითხებში დუნია მიატოვიჩის განცხადებებს.
Georgia row over TV channel ruling https://t.co/oFSHFvf82z — BBC News (World) (@BBCWorld) March 3, 2017
უზენაესი სასამართლოსთან გამართულ აქციასა და მის გადაწყვეტილებაზე წერს BBC-იც. ნიუსში საუბარია იმ კრიტიკაზეც, რომელიც სასამართლომ ქართულ საზოგადოებაში გამოიწვია.
Georgia’s Supreme Court Rules Against Independent Broadcaster in Ownership Battle https://t.co/QaFL98kqi1pic.twitter.com/6SlCB448rt
— The Voice of America (@VOANews) March 2, 2017
ამერიკის ხმა კი საკუთარ მასალაში “როიტერს” ეყრდნობა და ასევე აღნიშნავს, რომ გადაწყვეტილებამ საზოგდოებაში შეშფოთება გამოიწვია.
2 მარტს უზენაესმა სასამართლომ ტელევიზია ქიბარ ხალვაშს მიაკუთვნა. გადაწყვეტილებას ხელს სასამართლოს ცხრავე მოსამართლე აწერს.