რუსთავში “აზოტის ქარხნიდან” გათავისუფლებული მუშების მხარდამჭერი აქციის მონაწილე გელა ბიჭიაშვილი ამბობს, რომ პოლიციამ აქციის მონაწილეებს სცემა, ხოლო თავად ქარხნის დაცვასთან დაპირისპირების დროს მიიღო დაზიანება.
როგორც პროფკავშირების ადგილობრივი წარმომადგენელი გელა ბიჭიაშვილი აცხადებს, აქციის მონაწილეებს მოთხოვნებზე ადმინისტრაციისგან პასუხის მიღება უნდოდათ, რისთვისაც დირექტორის კაბინეტში შევიდნენ, რა დროსაც დაცვასთან შეხლა-შემოხლა მოხდა.
“იმ დროს, როდესაც შევდიოდით, დაცვა არ უშვებდა ხალხს, მაგ დროს, ჭყლეტის დროს მოხდა ინციდენტი“, – ამბობს ბიჭიაშვილი.
მისი თქმით, იგი და აქციის კიდევ ერთი მონაწილე საავადმყოფოში გადაიყვანეს, წოლითი რეჟიმი დაუნიშნეს, თუმცა აქციაზე მაინც მივიდა. ბიჭიაშვილის თქმით, ქარხნის დირექტორის კაბინეტში აღმასრულებელი დირექტორი დახვდათ, რომელმაც უთხრა, რომ დამსაქმებლის, ეუ ინვესთმენტის წარმომადგენლის გარეშე ვერაფერს გადაწყვეტდა.
ბიჭიაშვილის მონათხრობის მიხედვით, ქარხნის დაცვამ პოლიციას გამოუძახა, რომელმაც ძალის გამოყენებით გამოიყვანა, “ათრიეს” და რამდენიმე ადამიანს სცემეს.
მას შემდეგ, რაც პოლიციამ აქციის მონაწილეებს საწარმოს ტერიტორია დაატოვებინა, აქციას მაინც მართავენ და ელოდებიან, როდის მივა ეუ ინვესთმენტის წარმომადგენელი. კონკრეტულად, რამდენი ადამიანი დაზარალდა პოლიციასთან შეტაკების დროს, ბიჭიაშვილმა არ იცის.
საქართველოს შინაგან საქმეთა სამინისტროს თქმით, პოლიცია ქარხნის მიმდებარე ტერიტორიაზე საზოგადოებრივი წესრიგს იცავდა. დაკავებულების შესახებ ინფორმაციას შსს არ ადასტურებს.
რუსთავის “აზოტის ქარხნის” მუშები 350-მდე დასაქმებულის გათავისუფლებას 7 დღეა აპროტესტებენ.
აქციის მონაწილეები ითხოვენ:
სს „იუ ინვესთმენთი“ , რომელმა შპს „რუსთავის აზოტის“ აქციებს ფლობს, აცხადებს, რომ კომპანიამ ქარხნის მათ მფლობელობაში გადასვლის შემდეგ 2000-ზე მეტ თანამშრომელთან შრომითი ხელშეკრულებები მათი სოციალური და სახელფასო უზრუნველყოფის მიზნით გააფორმა. ქარხნის წინა მფლობელმა კი ფინანსური პრობლემებთან გამკლავება ვერ შეძლო, რის გამოც საწარმომ ფუნქციონირება შეწყვიტა. “იუ ინვესთმენთი” აცხადებს, რომ იმ პირობებში, როდესაც ქარხანა არ ფუნქციონირებს და უწევს ურთულეს ფინანსურ პრობლემებთან გამკლავება, კომპანიის მიერ გადადგმული ეს ნაბიჯი ადასტურებს სოციალური პასუხისმგებლობის მაღალ დონეს.
“ამასთანავე, კომპანიამ დაადასტურა მზადყოფნა, ქარხნის სრული დატვირთვით ამუშავების შემდგომ პრიორიტეტულად დაასაქმოს ქარხნის დანარჩენი მუშა-მოსამსახურეებიც, რომლებიც კომპანიის ინფორმაციით დღემდე ირიცხებიან ქარხნის ყოფილი მესაკუთრის თანამშრომლებად” – ნათქვამია კომპანიის მიერ გავრცელებულ განცხადებაში.
საქართველოს პროფესიული კავშირების გაერთიანების ადგილობრივი წარმომადგენელ გელა ბიჭიაშვილის თქმით, საწარმოში სულ 2300 ადამიანი მუშაობდა – 350 კი ყოველგვარი წინასწარი შეტყობინებისა და საფუძვლის გარეშე გაათავისუფლეს.
„იუ ინვესთმენთის” განცხადებით, რთული ფინანსური მდგომარეობის გამო კომპანიამ ნებაყოფლობით აიღო დამატებითი ვალდებულებები, კერძოდ: