ევროპარლამენტმა 485 ხმით მხარი დაუჭირა უვიზო რეჟიმის შეჩერების მექანიზმს. კენჭისყრა დღეს, 15 დეკემბერს შედგა.
განახლებული მექანიზმის ავტორთა განცხადებით, ახალი შეჩერების მექანიზმი უფრო სწრაფად მოახერხებს თავდაცვითი რისკების შეფასებას და გაცილებით ეფექტური იქნება.
უვიზო რეჟიმის შეჩერების მექანიზმი ამოქმედდება და ქვეყნებს შენგენის ზონაში გადაადგილებისათვის ვიზა იმ შემთხვევაში დასჭირდებათ, თუ:
ევროპარლამენტი საქართველოსათვის სავიზო რეჟიმის ლიბერალიზაციის ხელის შემშლელ ფაქტორად დეკემბრის პირველ კვირამდე შეჩერების მექანიზმს ასახელებდა, რომელზეც წევრ ქვეყნებს არაერთგვაროვანი პოზიციები ჰქონდათ, თუმცა 7 დეკემბერს გამართულ საერთო შეხვედრაზე ისინი სავიზო რეჟიმის შეჩერების მექანიზმზე შეთანხმდნენ, რომელსაც დღეს უკვე კენჭი უყარეს.
ევროპარლამენტი და ევროკავშირის საბჭო საქართველოსთვის სავიზო რეჟიმის ლიბერალიზაციის საკითხს კენჭს 2017 წლის 2 თებერვალს უყრის. თავდაპირველად, სესია იანვარში იგეგმებოდა, თუმცა შემდეგ ევროპარლამენტმა კენჭისყრა თებერვალში ჩანიშნა.