თბილისის მერიის ცნობით, დედაენის ბაღში ირაკლი ჩარკვიანის სკულპტურული კომპოზიცია დაიდგმება.
მერიის ცნობით, სკულპტურული კომპოზიცია ხვალ, 19 ნოემბერს, 18:00 საათზე გაიხსნება. სკულპტურა ითვალისწინებს ხმოვან სისტემას, რომელიც კომპოზიციის შემადგენელ ნაწილში – სკამებშია დამონტაჟებული და მათი საშუალებით „მეფის“ მუსიკის მოსმენა 24 საათის განმავლობაშია შესაძლებელი.
სკულპტურული კომპოზიციის ავტორი მოქანდაკე ვლადიმერ იმერლიშვილია, ხოლო პროექტი მერიის დაფინანსებით განხორციელდა.