ხმების პარალელური დათვლის (PVT) შედეგები ოთხ ოლქში
“სამართლიანმა არჩევნებმა” [ISFED] მაჟორიტარული სისტემით ჩატარებული არჩევნების მეორე ტურის ოთხი ოლქის პარალელური დათვლის შედეგები გამოაქვეყნა.
არჩევნების მეორე ტური 30 ოქტომბერს 50 მაჟორიტარულ ოლქში ჩატარდა. ISFED -აცხადებს, რომ ოთხი ოლქი სრულად დასაკვირვებლად არჩევნების პირველ ტურში საუკეთესო შედეგის მქონე ორ კანდიდატს შორის მაღალი კონკურენციისა და დაფიქსირებული დარღვევების გამო შეარჩიეს.
„სამართლიანმა არჩევნების“ ცნობით, სრულად მიიღეს ინფორმაცია დამკვირვებლების 100%-ისგან, რომლებიც ყველა საარჩევნო უბანზე იყვნენ განთავსებული ოთხ საარჩევნო ოლქში: #36 მარნეულის; #44 ახალციხე-ადიგენის; #49 ქუთაისის; და #66 ზუგდიდის მაჟორიტარულ ოლქებში.
პარალელური დათვლის შედეგები ასე გამოიყურება:
ISFED ის მონაცემებით:
[checklist]
ამომრჩეველთა აქტივობამ მთელი ქვეყნის მასშტაბით 37.6% (ცდომილების ზღვარი +/- 0.9 %) შეადგინა, რაც პირველ ტურთან შედარებით დაბალი მაჩვენებელია. 8 ოქტომბერს ამომრჩეველთა აქტივობა 52.9% (ცდომილების ზღვარი +/- 0.9%) იყო.
საარჩევნო უბნების 99.8%-ზე ხმის დათვლის პროცესმა დარღვევების გარეშე ჩაიარა. აღნიშნული მაჩვენებელი სტატისტიკურად ახლოს არის პირველი ტურის მონაცემთან (97.9%).
ხმის დათვლის პროცესში არც ერთ საარჩევნო უბანზე არ დაფიქსირდა არაუფლებამოსილი პირების ყოფნის შემთხვევები, რაც სტატისტიკურად არ განსხვავდება პირველი ტურის მონაცემისგან (99.9%).
საარჩევნო უბნების 0.7%-ზე ხმების დათვლისას უბანზე მყოფ დამკვირვებლებს არ მიეცათ თითოეულ ბიულეტენში ასახული ინფორმაციის დანახვის შესაძლებლობა.
საარჩევნო უბნების 89.2%-ზე იმყოფებოდნენ „ქართული ოცნების“ წარმომადგენლები, ხოლო უბნების 79.9%-ზე – „ნაციონალური მოძრაობის წარმომადგენლები“. არჩევნების პირველ ტურზე „ქართული ოცნების“ წარმომადგენლები იმყოფებოდნენ საარჩევნო უბნების 89.1%-ზე, ხოლო“ ერთიანი ნაციონალური მოძრაობის“ წარმომადგენლები – 87.6%ზე.
[/checklist]
შეადარეთ PVT-ს და ცესკოს მიერ გამოქვეყნებული შედეგები 4 ოლქის კანდიდატებზე:
