შიდა ქართლში ხუთი მაჟორიტარული ოლქიდან ოთხში არჩევნების მეორე ტური გაიმართება. ასეთია ცესკოს წინასწარი შედეგები. თუმცა ეს ერთადერთი რეგიონია, სადაც მეორე ტურში ერთმანეთს არა მხოლოდ ოცნებისა და ენმ-ის კანდიდატები დაუპირისპირდებიან, უფრო მეტიც – ხაშურში სახელისუფლებო კანდიდატზე მეტი ხმა მრეწველების წარმომადგენელმა მიიღო.
არჩევნების პირველსავე ტურში გაიმარჯვა გიორგი თოთლაძემ ქართული ოცნებიდან ქარელის #40 ოლქში, სადაც ხმების 52.27% მიიღო [სულ 49 უბნიდან მონაცემები დათვლილია 46 უბნის მიხედვით].
ცესკოს წინასწარი მონაცემებით, შიდა ქართლის სხვა ოლქებში ერთმანეთს მეორე ტურში შემდეგი კანდიდატები დაუპირისპირდებიან:
1. კასპის #39 ოლქი
ირაკლი მეზურნიშვილი, ქართული ოცნება – 45.29%
ნუგზარ ნონიაშვილი, ენმ – 23.95%
ამ ოლქში სულ 40 უბნიდან მონაცემები დათვლილია 20 უბნის მიხედვით
2. გორის #41 ოლქი
იოსებ მაკრახიძე, ქართული ოცნება – 33.53%
ირაკლი ალასანია, თავისუფალი დემოკრატები – 19.36%
ამ ოლქში სულ 41 უბნიდან მონაცემები დათვლილია 40 უბნის მიხედვით
3. გორის #42 ოლქი
თენგიზ ხუბულური, ქართული ოცნება – 41.63%
ბადრი ბასიშვილი, ენმ – 24.67%
ამ ოლქში სულ 52 უბნიდან მონაცემები დათვლილია 38 უბნის მიხედვით
4. ხაშურის #43 ოლქი
სიმონ ნოზაძე, მრეწველები – 32.34%
ვალერი გელაშვილი, ქართული ოცნება – 20.09%
ამ ოლქში სულ 52 უბნიდან მონაცემები დათვლილია 46 უბნის მიხედვით