მსოფლიოს ანტიდოპინგური სააგენტოს ინფორმაციაზე დაყრდობით, BBC წერს, რომ რუსეთის ხელისუფლება თავად აფინანსებდა სოჭის ოლიმპიადის დროს სპორტსმენებში დოპინგის მოხმარებას.
AFP-ის მიერ გავრცელებული ინფორმაციის თანახმად კი, რუსეთის სპორტის მინისტრი თავად აკონტროლებდა დოპინგის პროგრამას და რუსული FSB-ს აქტიური მხარდაჭერით მიმდინარეობდა.
#BREAKING Russian sports ministry ‘directed, controlled and oversaw the manipulation’ of Olympic doping – report
— AFP news agency (@AFP) July 18, 2016
კვლევა სააგენტოს დაკვეთით კანადელმა პროფესორმა რიჩარდ მაკლარენმა ჩაატარა. მან ტორონტოში გამართულ პრესკონფერენციაზე განაცხადა, რომ რუსეთში ლაბორატორიები სპორტსმენების სისხლში არსებული ნივთიერებების შესახებ ინფორმაციას არ ამჟღავნებდნენ. ახლა კი რიოს 2016 წლის ოლიმპიადის სამზადისში რუსეთი კრიზისის წინაშე აღმოჩნდა, რადგან მათი სახელით მოასპარეზე ბევრი სპორტსმენი შეჯიბრებიდან სწორედ დოპინგის მოხმარების ბრალდებით მოიხსნა.
როიტერის ინფორმაციით, მოსკოვის ანტიდოპინგური ლაბორატორიის ხელმძღავნელმა გრიგორი როდჩენკომ ორი თვის წინ “ნიუ იორკ თაიმსთან” საუბარში განაცხადა, რომ რუსი სპორტსმენები შედეგების გასაუმჯობესებლად სახელისუფლებო პირების თანხმობით დოპინგს იღებდნენ.