ბენდებმა გამოსვლა მცირე სცენიდან დაიწყეს. Golden Stage-ზე დაუკრეს ქართულმა ბენდებმა “წერილი” და Old Road band. ასევე, გამოვიდნენ Denis Jones და Belly Hole Freak.  

მთავარ სცენაზე Sound Check იმაზე კიდევ უფრო დიდხანს გაგრძელდა, ვიდრე მოსალოდნელი იყო. ხალხი უკმაყოფილებას ვერ მალავდა. ყველაფერს განსაკუთრებული სიცხეც ართულებდა. 

სცენაზე არ გამოვიდა Scratch the Floor. დაგვიანებით გამოჩნდა Vanilla Cage და შემდეგ Sophie Villy. ბოლო გამომსვლელი მძიმე მეტალის შემსრულებელი ამერიკული ბენდი, Black Label Society უნდა ყოფილიყო, მაგრამ ლაინაფი ამ შემთხვევაში შეიცვალა. სცენაზე ჯერ BLS გამოჩნდა და შემდეგ სომხური პროგრესივ როკ ბენდი The Bambir.

დღის მოვლენა, რომელსაც მსმენელი ყველაზე მეტად ელოდა Black Label Socity იყო. მეტალ ბენდი 1998 წლიდან არსებობს. მათ დღემდე 9 სტუდიური ალბომის ჩაწერა შეძლეს. ფესტივალის მდელოზე ბევრ ახალგაზრდას ნახავდით BLS-ის მაისურით. ისინით სცენასთან მთელი დღის განმავლობაში ელოდნენ საყვარელი ბენდის გამოჩენას. 

ამ დრომდე უცნობია, როდის გამოვლენ სცენაზე ის ქართული ბენდები, რომლების წინა სამი დღის შეცვლილმა საფესტივალო განრიგმა ლაინაფიდან ამოაგდო. ესენია Scratch the Floor, Mellow და Ducktape. 

ღამე წესისამებრ, მცირე სცენაზე ელექტრონული მუსიკის თანხლებით გაგრძელდა. დღეს კი, 6 ივლისს, სცენაზე Kill It Kid-ისა და Beth Hart-ის გამოსვლას ელიან.