კამბერბატჩი, ვეს ანდერსონი, ლინკლეიტერი, მერილ სტრიპი – ოსკარის ნომინანტები ცნობილია

ამერიკის კინოაკადემია ოსკარის 87-ე დაჯილდოვების ნომინანტთა სიას აქვეყნებს. ოსკარი კინოსთან დაკავშირებული წლის მიღწევების გამო 24 კატეგორიაში გადაიცემა. წელს ნომინანტები კინოაკადემიის პრეზიდენტმა შერილ ბუნმა, მსახიობმა კრის პაინმა, რეჟისორმა ალფონსო კუარონმა და რეჟისორმა ჯჯ ამრამსმა ორ ეტაპად გამოაცხადეს.

წლის საუკეთესო ფილმის ტიტულის მოსაპოვებლად წელს 8 ფილმი იბრძოლებს:

 

“American Sniper”, “Birdman”, “Boyhood”, “The Grand Budapest Hotel”, “The Imitation Game”, “Selma”, “The Theory of Everything”, “Whiplash”.

 

წლის საუკეთესო რეჟისორის კატეგორიაში წარდგენილნი არიან:

 

ვეს ანდერსონი ფილმისთვის  “The Grand Budapest Hotel”, ალეხანდრო გონსალეს ინიარიტუ ფილმისთვის “Birdman”, რიჩარდ ლინკლეიტერი ფილმისთვის “Boyhood”,  ბენეტ მილერი ფილმისთვის “Foxcatcher” და მორტენ ტილდუმი ფილმისთვის “The Imitation Game”.

 

რაც შეეხება საუკეთესო მსახიობი მამაკაცის ნომინაციას წარდგენილნი არიან:

 

სტივ კარელი ფილმისთვის “Foxcatcher” , ბრედლი კუპერი ფილმისთვის “American Sniper”, ბენედიქტ კამბერბატჩი ფილმისთვის “The Imitation Game”, მაიკლ კიტონი ფილმისთვის “Birdman” და ედი რემაინი ფილმისთვის “The Theory of Everything”.

 

ხოლო საუკეთესო მსახიობი ქალის ტიტულის მოსაპოვებლად იბრძოლებენ:

 

მარიონ კოტილარდი ფილმისთვის   “Two Days, One Night”, ფელისტი ჯონსი ფილმისთვის “The Theory of Everything”, როსამუნდ პაიკი ფილმისთვის “Gone Girl”, ჯულიანა მური ფილმისთვის “Still Alice” და რიზ უზერსპუნი ფილმისთვის “Wild”.

 

მამაკაცის მეორეხარისხოვანი როლის საუკეთესო შესრულებისთვის წარდგენილნი არიან:

 

რობერტ დუვალი ფილმისთვის “The Judge”,   ეთან ჰოუქი ფილმისთვის “Boyhood”, ედვარდ ნორტონი ფილმისთვის “Birdman”, მარკ რუფალო ფილმისთვის “Foxcatcher” და ჯ.კ. სიმონსი ფილმისთვის  “Whiplash”.

 

ქალის  მეორეხარისხოვანი როლის საუკეთესო შესრულებისთვის ნომინირებული არიან: 

 

პატრიცია არკეტი ფილმისთვის “Boyhood”, ლორა დერნი ფილმისთვის “Wild”, კირა ნაითლი ფილმისთვის “The Imitation Game”, ემა სტოუნი ფილმისთვის “Birdman”  და მერილ სტიპი მიუზიკლისთვის “Into the Woods”

 

ნომინანტების სრული სია შეგიძლიათ იხილოთ ამ ბმულზე. გამარჯვებულები 22 თებერვალს დოლბის თეატრში გამოვლინდებიან.

 

 

 

 

 

 

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი .