“ფილმები რუსეთიდან და არა მხოლოდ” კინოფესტივალის გრან-პრი ლევან კოღუაშვილის ფილმს გადაეცა

ლევან კოღუაშვილის ფილმმა ‘ბრმა პაემნები” პოსტსაბჭოთა კონიფესტივალის – “კინო. ფილმები რუსეთიდან და არა მხოლოდ” – გრან-პრი მოიპოვა. ამის შესახებ ინფორმაციას რია ნოვოსტი ავრცელებს.

სააგენტოს ინფორმაციით, კინოფესტივალის გრან-პრი ასევე მოიპოვა ესტონელი რეჟისორის, ილმარ რააგას დრამამ – “კერტუ”.

 

ზემოხსენებული კონფესტივალი შვეიცარიაში, კერძოდ ლოზანაში ტარდება და დღეს, 19 ოქტომბერს დასრულდება. ფესტივალის განმავლობაში მაყურებელს სულ 40 ფილმი უჩვენეს, მათ შორის რუსეთიდან, სომხეთიდან, საქართველოდან, ყაზახეთიდან, ლიტვადან, უკრიანიდან და უზბეკეთიდან.

 

“ფესტივალის ორგანიზატორების განცხადებით, ღონისძიების უმთავრესი მიზანია ადამაინების დაახლოება, მიუხედავად გაუგებრობებისა და დაპირისპირებისა”, – წერს რია ნოვოსტი.


ბრმა პაემნები
ბრმა პაემნები

 

ნეტგაზეთის მასალების სხვა გამოცემებში გადაბეჭდვის წესი
დათო ქოქოშვილი