თბილისში ფანი არდანი ჩამოდის

ფრანგი მსახიობი და რეჟისორი ფანი არდანი 24 ოქტომბერს საქართველოში ჩამოვა. მსახიობი მარჯანიშვილის სახელობის თეატრში მასტერკლასს გამართავს. 

ფანი არდანის საქართველოში სტუმრობას საქართველოს ეროვნული კინოცენტრი და ფრანგული ინსტიტუტი უწევენ ორგანიზებას. 

 

მსახიობი თბილისში მხოლოდ ერთი დღით დარჩება. 24 ოქტომბერს, 15:30 საათზე მარჯანიშვილის სახელობის თბილისის დრამატულ თეატრში მასტერკლასს გამართავს თემაზე “სამსახიობო ხელოვნება. მასზე დასწრება ნებისმიერ მსურველს შეეძლება.

 

ფანი არდანი
ფანი არდანი

იმავე საღამოს, რვა საათზე კინოთეატრ “რუსთაველში” მისი ბოლო ფილმის “აკვიატებული რითმები” ჩვენება გაიმართება. ფილმზე დასწრება მხოლოდ მოსაწვევებით იქნება შესაძლებელი. 

 

ნინია ახვლედიანის, ეროვნული კინოცენტრის პრესსპიკერის თქმით, საქართველოში ჩამოსვლის სურვილი თავად ფანი არდანმა გამოთქვა. 

ნეტგაზეთის მასალების სხვა გამოცემებში გადაბეჭდვის წესი
მიშა მეფარიშვილი