კინოხელოვნება

პოლონურ ფილმებს ღია ცის ქვეშ საქართველოს ქალაქებში აჩვენებენ

11 სექტემბერი, 2013 • 1908
პოლონურ ფილმებს ღია ცის ქვეშ საქართველოს ქალაქებში აჩვენებენ

“სპეციალურად ამ ღონისძიებისთვის პოლონეთიდან ჩამოვა დიდი ზომის გასაბერი ეკრანი, რომელიც საქართველოს სხვადასხვა ქალაქში იმოგზაურებს. ჩვენებების ადგილზე მაყურებელს დახვდება კომფორტული სავარძლები. ფილმები წარმოდგენილი იქნება ქართული და ინგლისური სუბტიტრებით. ღონისძიებაზე დასწრება უფასოა,”- ნათქვამია პოლონეთის საელჩოს განცხადებაში.

 

“ეს არის უახლოესი ფილმები, ბოლო ხუთი წლის განმავლობაში ყველაზე წარმატებული და აღიარებული მნიშვნელოვანი კინოები”- განაცხადა მაგდა ნოვაკოვსკამ, პოლონეთის საელჩოს მედიასა და საზოგადოებასთან ურთიერთობის ექსპერტმა. 

 

მისი თქმით, ღია ცის ქვეშ მოწყობილი კინოდარბაზი მინიმუმ სამასი ადამიანისთვის იქნება გათვლილი. 

  

პოლონური ფილმებს პირველად ქუთაისში, 12 – 13 სექტემბერს “100 საფეხურთან” აჩვენებენ, შემდეგ “ბათუმის საავტორო კინოს საერთაშორისო ფესტივალს” 15-დან  21 სექტემბრამდე ესტუმრება და ბოლოს, თბილისში ღონისძიებას 24-დან 29 სექტემბრამდე “რიყის პარკი” უმასპინძლებს

 

პარტნიორები: პოლონეთის საელჩო საქართველოში, პოლონეთის კულტურის სამინისტრო, საქართველოს კულტურისა და ძეგლთა დაცვის სამინისტრო, თბილისის, კუთაისის და ბათუმის მერია, ადამ მიცკიევიჩის ინსტიტუტი, საქართველოს კინემატოგრაფიის ეროვნული ცენტრი, პოლონეთის ეროვნული ფილმოთეკა.

მასალების გადაბეჭდვის წესი