რეგისტრაციის დასრულების შემდეგ დაინიშნება შესარჩევი კონკურსი. მასში მონაწილეობა იმ ბენდებს შეეძლებათ, რომლებსაც ახალი მუსიკალური პროექტი აქვთ.
“Altervision Group”-იდან “ნეტგაზეთს” გაუცხადეს, რომ “შოუ ქეისის” ჩატარების თარიღი ჯერ არაა ცნობილი. შესარჩევი კონკურსი სავარაუდოდ რამდენიმე დღეს გაგრძელდება და იგი მონაწილე ბენდების რაოდენობაზე იქნება დამოკიდებული.
“შოუ ქეისზე” ბენდები “Altervision Grup”-ის პროდუსერების წინ წარსდგებიან. მეორე ეტაპზე გადასული ბენდები 4 ოქტომბერს დაგეგმილ კონცერტზე გამოვლენ. კონცერტის ჩატარების ადგილმდებარეობა ჯერ დაზუსტებული არ არის.
წელს ერთ ნომინაციაში გამარჯვებულს გამოავლენენ. გამარჯვებული მიიღებს საფრომოუშენო მასალას- სტუდიაში ჩაწერილ აუდიო- ტრეკსა და ვიდეოკლიპს. გამარჯვებული ბენდი “Tbilisi Open Air 2014”-ის სცენაზე წარსდგება.