ეეგიონალური განვითარების და ინფრასტრუქტურის სამინისტროს მონაცემებით ქობულეთში წყალმომარაგებისა და კანალიზაციის სისტემის სარეაბილიტაციო სამუშაოები დასრულებულია. ამიერიდან დაბას 24– საათიანი წყალმომარაგება ექნება.
პროექტის ფარგლებში განხორციელდა ქობულეთის წყალმომარაგების სრული რეაბილიტაცია. წყალმომარაგების რეაბილიტაციასთან ერთად, ქობულეთში, აღმაშენებლისა და კაიკაციშვილის ქუჩებზე, გზის ასფალტო-ბეტონის საფარიც შეიცვალა.
სარეაბილიტაციო სამუშაოები “ფონდი – ათასწლეულის გამოწვევა საქართველოს” დაფინანსებით განხორციელდა. სამუშაოებზე 150-მდე ადამიანი იყო დასაქმებული, რომელთა უმრავლესობა ადგილობრივი მოსახლეა.