ფინანსთა სამინისტროს საგამოძიებო სამსახურის თანამშრომლებმა დიდი ოდენობით კონტრაბანდული პროდუქციის შემოტანის ფაქტზე მირზა კახიძე და მასთან დანაშაულებრივ კავშირში მყოფი საქართველოს ოცამდე მოქალაქე დააკავეს. გამოძიებით დადგენილია, რომ აღნიშნულ პირებს, ინდმეწარმეებთან წინასწარი შეთანხმებით გარკვეული ანაზღაურების სანაცვლოდ, თურქეთიდან საქართველოში, სარფის საბაჟო კონტროლის გვერდის ავლით, პერმანენტულად შემოჰქონდათ სოლიდური ღირებულების შერეული საქონელი, ძირითადად, ტანსაცმელი, რითიც მნიშვნელოვანი მატერიალურ ზიანს აყენებდნენ სახელმწიფო ბიუჯეტს.
მიმდინარეობს წინასწარი გამოძიება საქართველოს სისხლის სამართლის კოდექსის 214-ე მუხლით, რაც ითვალისწინებს თავისუფლების აღკვეთას თერთმეტიდან თხუთმეტ წლამდე ვადით.