საქართველოს ფინანსთა სამინისტროს მომსახურების სააგენტო იწყებს სახელწიფო საკუთრებაში მოქცეული ქონების განკარგვის ახალი ფორმის – ლიზინგის გამოყენებას.
მომხმარებლები, რომლებიც ვერ ახერხებდნენ ძვირადღირებული ტექნიკისა და მანქანა– დანადგარების შეძენას, დღეისათვის ეძლევათ საშუალება, გამოიყენონ განკარგვის ახალი ფორმა – ლიზინგი. აღნიშნული განკარგვის ფორმა მეტად ხელსაყრელი იქნება მცირე და საშუალო ბიზნესის წარმომადგენელთათვის.
ლიზინგი – ეს არის შესაძლებლობა, სარგებლობის უფლებით, გარკვეული ვადით მიიღო ქონება შემდგომში მისი შესყიდვის უფლებით. ქონების ლიზინგის ფორმით მიმღები ინტერნეტ–აუქციონის ელექტრონული სისტემის www.eauction.ge-ს საშუალებით გამოვლინდება.