მათ შორის- აპრილის თვის განმავლობაში, კონსტანტინე სულამანიძემ, რომელიც პროგრეს ბანკის გენერალური დირექტორია, 60 000 ლარის შეწირულობა განახორციელა, “პროგრეს ბანკის” ოპერაციულმა დირექტორმა აკაკი კორძაძემ  – 30 000 ლარი, ეკატერინე მაჭავარიანმა, რომელიც “პროგრეს ბანკის” ცენტრალიზებული ბექ ოფისის დეპარტამენტის უფროსის თანამდებობას იკავებს – 40 000 ლარი, ხოლო ზვიად იმედიძემ, რომელიც პროგრეს ბანკის მთავარი ბუღალტერია – 20 000 ლარი.

“პროგრეს ბანკი” 2008 წელს საინიციატივო ჯგუფ “კალა კაპიტალის” მიერ დაარსდა, ვიცე–პრემიერი და ენერგეტიკის მინისტრი კახი კალაძე პოლიტიკაში წასვლის შემდეგ ბანკის სამეთვალყურეო საბჭოს წევრობიდან გადადგა.  ბანკის 21.71%-ს ბიზნესმენი ბიძინა ივანიშვილი ფლობს.

მოქმედი საარჩევნო კოდექსი იურიდიულ პირებს წელიწადში ამა თუ იმ პარტიის 60 ათასი ლარით დაფინანსების საშუალებას აძლევს, თუმცა “ქართული ოცნებისთვის” თანხა არც ერთ იურიდიულ პირს არ შეუწირავს.