საქართველოს კინემატოგრაფიის ეროვნული ცენტრის ცნობით, ქუთაისში მოკლემეტრაჟიანი ფილმების საერთაშორისო ფესტივალი 2020 წლის 3-7 ნოემბერს  ჩატარდება.

ქუთაისის საერთაშორისო მოკლემეტრაჟიანი ფილმების ფესტივალი კინოჩვენებებთან, რეტროსპექტივებთან ერთად, მოიცავს კინემატოგრაფისტებისთვის განკუთვნილ საგანმანათლებლო ღონისძიებებს, მასტერკლასებსა და დისკუსიებს.

კინოფესტივალი ორი, 10-30-წუთიანი და 1-5-წუთიანი ფილმების საკონკურსო პროგრამისგან შედგება. ორივე საკონკურსო პროგრამაში მონაწილეობას ქართველი და უცხოელი რეჟისორები მიიღებენ. 1-5-წუთიანი ფილმების კონკურსში მონაწილეობა პროფესიონალებთან ერთად მოყვარულ ავტორებს შეუძლიათ.

საკონკურსო ფილმების მიღება 27 ივლისს დაიწყო და  20 სექტემბრამდე გაგრძელდება.  კონკურსში  დაიშვება 2018, 2019, 2020 წელს გადაღებული ფილმები.  Covid 19-ის გათვალისწინებით, ფესტივალი უცხოელ სტუმრებს ვერ მიიღებს.  

მთავარი კონკურსის გამარჯვებულებს, საუკეთესო ფილმსა და რეჟისორს გადაეცემა ფესტივალის მთავარი პრიზი,  ოქროს დინოზავრი.  1-5-წუთიანი ფილმების გამარჯვებულს  დინოზავრის ნაკვალევით დააჯილდოებენ. 

პროექტი საქართველოს ეროვნული კინოცენტრისა და  ქუთაისის მერიის თანამშრომლობით ხორციელდება.