„ვისოლ ჯგუფი“ თბილისში, მრგვალ ბაღთან, აბაშიძის ქ. #10-ში „დანკინ დონატსის“ ახალ რესტორანს ხსნის. „ვისოლ ჯგუფმა“ ამერიკული რესტორნების უმსხვილეს ოპერატორთან “დანკინ დონატსთან” ფრანჩაიზინგის ექსკლუზიურ ხელშეკრულებას ხელი 2014 წელს მოაწერა და დღესდღეობით უკვე 18 რესტორანია თბილისსა და რეგიონებში ყველასათვის საყვარელი თავშეყრის ადგილი. 2016 წლის ბოლომდე „დანკინ დონატსის“ კიდევ რამდენიმე რესტორანი გაიხსნება. ახალგახსნილ ობიექტზე „დანკინ დონატსმა“ 20 ადამიანი დაასაქმა.

“„ვისოლ ჯგუფისთვის“ პატივია და ამავდროულად საამაყო ის, რომ მხოლოდ ორ წელიწადში შევძელით საქართველოში ლეგენდარული ბრენდის „დანკინ დონატსის“ ამერიკული რესტორნების ყველაზე ფართო ქსელის შექმნა და ძალიან მოკლე დროში მის ყველასათვის საყვარელ თავშეყრის ადგილად ქცევა. ჩვენ, პირველ რიგში, განსაკუთრებულ მადლობას ვუხდით ჩვენს ერთგულ მომხმარებლებს, რომლებმაც შეიყვარეს “დანკინ დონატსი” და ხშირად სტუმრობენ ჩვენს რესტორნებს”,- აცხადებს „ვისოლ ჯგუფის“ პრეზიდენტი სოსო ფხაკაძე.

მრგვალ ბაღთან ახალგახსნილ „დანკინ დონატსის“ რესტორანში მოსულ სტუმრებს ყველა სახეობის ვრეპის მირთმევა სპეციალურ ფასად – 15% ფასდაკლებით შეეძლებათ. „დანკინ დონატსის“ ახალი პროდუქტები – სალათა ცეზარი, ორაგულის სალათა, ბერძნულ სალათა. სხვადასხვა ხილის SMOOTHIE-ბი,  პრემიუმ ხარისხის იტალიური ცხელი თუ ცივი ყავა და უამრავი გამაგრილებელი სასმელი ყველაზე მომთხოვნ სტუმარსაც ვერ დატოვებს გულგრილს.

„დანკინ დონატსი“ ამერიკის ერთ-ერთი ყველაზე წარმატებული, ლეგენდარული ბრენდია, რომელიც უკვე თითქმის 65 წელია წარმატების ისტორიას ქმნის მთელს მსოფლიოში.  „დანკინ დონატსი“ მსოფლიოს 40 ქვეყანაშია წარმოდგენილი. „დანკინ დონატსის“ რესტორნებში მომხმარებელს საშუალება აქვს დააგემოვნოს უგემრიელესი სენდვიჩების დიდი ასორტიმენტი, ფუნთუშეული, ცივი და ცხელი სასმელები,  უმაღლესი ხარისხის ესპრესო, კაპუჩინო, ლატე, ჩაი და კულატას პროდუქტები, მაფინები და კრუასანების გამოყენებით შექმნილი სხვადასხვა კერძები და მრავალფეროვანი დონატები.  „მეტი ქართული პროდუქტის“ ინიციატივის  ფარგლებში 2015 წლის დეკემბრიდან ამერიკული რესტორნების ქსელმა „დანკინ დონატსმა“ იმპორტის უდიდესი წილი ქართული პროდუქტებით უკვე ჩაანაცვლა და „სმარტთან“, „მარშესთან“, „პურის სამყაროსთან“, „მილკოსა“ და „ბადაგთან“ თანამშრომლობით ერთგულ მომხმარებელს ახლა უკვე ქართული ქათმის ხორცითა, ბოსტნეულითა თუ სხვა პროდუქტებით დამზადებულ  ყოველდღიურად ახალ, მაღალი ხარისხის, უგემრიელეს კერძებს სთავაზობს.