იზრუნეთ გულზე – როდის უნდა მიმართოთ ექიმს

კარდიოლოგია ბათუმის საერთაშორისო ჰოსპიტალში

თუ გულ-სისხლძარღვთა დაავადებები გაწუხებთ, ბათუმის საერთაშორისო ჰოსპიტალი ის ადგილია, რომლის შესახებაც აუცილებლად უნდა იცოდეთ. ქართველი და უცხოელი სპეციალისტებისგან დაკომპლექტებული კვალიფიციური კარდიოლოგების გუნდი დღეში 24 საათის მანძილზე, კვირაში 7 დღე მუშაობს იმისათვის, რომ პაციენტებს დახმარება ევროპული სტანდარტების დაცვით, უახლესი ციფრული ტექნოლოგიების დახმარებით აღმოუჩინოს.

ბათუმის საერთაშორისო ჰოსპიტალში კარდიოლოგიური მიმართულების ხელმძღვანელი, ინტერვენციული კარდიოლოგი სოსო სიხარულიძეა, რომელსაც ამ სფეროში მუშაობის დიდი გამოცდილება აქვს. იგი ამბობს, რომ კარდიოლოგიური მიმართულება ბათუმის საერთაშორისო ჰოსპიტლის ლოკომოტივია, სწორედ იმიტომ, რომ რეგიონში ამ მიმართულებით სამედიცინო სერვისების ნაკლებობა შეინიშნებოდა, გულის პათოლოგიების მაღალი მაჩვენებლის ფონზე.

სოსო სიხარულიძე

სოსო სიხარულიძე

„გულის იშემიური პათოლოგია რეგიონში და არა მხოლოდ რეგიონში, არის წამყვანი. ეს გახლავთ მიოკარდიუმის ინფარქტი, არასტაბილური სტენოკარდია და ასე შემდეგ. პაციენტთა მომართიანობაც ყველაზე ხშირად ასეთ შემთხვევებზე მოდის. ამას მოსდევს არითმოლოგიური პრობლემები და გულის ქრონიკული და მწვავე უკმარისობების შემთხვევები. შემიძლია გითხრათ, რომ კარდიოლოგიური მიმართულება ბათუმის საუნივერსიტეტო ჰოსპიტალში თავიდან ბოლომდე უზრუნველყოფს ყველა ძირითადი კარდიოლოგიური პათოლოგიის დიაგნოსტირებას, მკურნალობას და ამბულატორიულ ზედამხედველობას. გულის იშემიური დაავადებების, არითმოლოგიური და სისხლძარღვოვანი პათოლოგიების, გულის თანდაყოლილი პათოლოგიების დიაგნოსტიკა, მკურნალობა და ზედამხედველობა შესაძლებელია ჩვენთან როგორც ენდოვასკულარული, ასევე ულტრაბგერითი დიაგნოსტიკით, თანამედროვე, ევროპული სტანდარტების შესაბამისად,“ – ამბობს სოსო სიხარულიძე.

ბათუმის საერთაშორისო ჰოსპიტალში ინვაზიური კარდიოლოგიის დეპარტამენტში ხორციელდება გულ-სისხლძარღვთა დაავადებების დიაგნოსტიკა და მკურნალობა თანამედროვე მეთოდებითა და აპარატურით. გულის კათეტერიზაციის ლაბორატორია აღჭურვილია ბოლო თაობის Ge innova 3100 ანგიოგრაფიული აპარატით და ტარდება შემდეგი პროცედურები: კორონაროგრაფია, კორონარული ინტერვენცია; პერიფერიული ანგიოგრაფია; პერიფერიული ინტერვენცია. მიოკარდიუმის მწვავე ინფარქტის მქონე პაციენტებს დაუყოვნებლივ უტარდებათ სიცოცხლის შემანარჩუნებელი პროცედურა – ბალონური ანგიოპლასტიკა და კორონარული სტენტირება.

რა სიმპტომები მიუთითებს იმაზე, რომ ადამიანს შეიძლება გულის პათოლოგიები აწუხებდეს? სოსო სიხარულიძის თქმით, პირველ რიგში, ეს არის ტკივილი გულმკერდის არეში და ჰაერის უკმარისობა: „პაციენტმა ასეთ შემთხვევაში აუცილებლად უნდა მიმართოს ექიმს. ნებისმიერი სახის ტკივილი გულმკერდის არეში არის საყურადღებო და ექიმმა უნდა გადაწყვიტოს, ეს არის გულის ტკივილი, თუ გულმკერდის არეში არსებული სხვა ტკივილი: ნევრალგიული, გასტრალგიური და ა.შ.“ – ამბობს ექიმი.

სოსო სიხარულიძე

სოსო სიხარულიძე

რაც შეეხება გულის შეძენილი პათოლოგიების პრევენციას, სოსო სიხარულიძე ამბობს, რომ ნებისმიერი შეძენილი პათოლოგიის პრევენცია შესაძლებელია და პირველ რიგში, ესაა ჯანსაღი ცხოვრების წესი, დროული ვიზიტი კვალიფიციურ ექიმთან და სპეციალისტის მითითებების შესრულება. „პრევენციით ამ დაავადებების გადავადება ან საერთოდ თავიდან არიდება შესაძლებელია. ასევე, კარდიოლოგიურ დაავადებებზე საუბრისას მნიშვნელოვანია გენეტიკური ფატქორის გათვალისწინება. ადამიანი, რომელიც გენეტიკურად განწყობილია ამ დაავადებებისადმი, ანუ გულის პათოლოგიური დაავადება აქვს დედას, მამას ან ოჯახის სისხლით ნათესავებს, გაცილებით უფრო დიდი ყურადღებით უნდა მოეკიდოს ჯანმრთელობას,“ – ამბობს სოსო სიხარულიძე.

ბათუმის საერთაშორისო ჰოსპიტალში თანამედროვე კვლევების საფუძველზე ხდება შემდეგი ნოზოლოგიების დიაგნოსტიკა და მკურნალობა:

არითმია
მიოკარდიუმის მწვავე ინფარქტი
კარდიომიოპათია
კორონარული არტერიების დაავადება
გულის უკმარისობა
გულის სარქვლოვანი პათოლოგიები
არტერიული ჰიპერტენზია
ინფექციური ენდოკარდიტი
მიოკარდიტი
პერიკარდიტი
ფილტვის არტერიის თრომბოემბოლია
პერიფერიული არტერიების დაავადებები

ბათუმის საერთაშორისო ჰოსპიტალი ჩართულია საქართველოსა და აჭარის ჯანდაცვის პროგრამებში. ჰოსპიტალში მოქმედებს როგორც ინდივიდუალური, ასევე კორპორაციული და საყოველთაო დაზღვევა.

ჰოსპიტლის ლოგომისამართი: ბათუმი,
გენერალ ასლან აბაშიძის ქუჩა #14
ტელეფონი: 0422 21 33 33
ელფოსტა: info@iuhb.ge
ვებგვერდი: www.iuhb.ge

ნეტგაზეთის მასალების სხვა გამოცემებში გადაბეჭდვის წესი
ავტორი