რეკლამა

რა უპირატესობა აქვს თხევად გაზს ავტომობილის საწვავად გამოყენების დროს

3 აპრილი, 2017 • 44058
რა უპირატესობა აქვს თხევად გაზს ავტომობილის საწვავად გამოყენების დროს

ამერიკაში, ევროპის განვითარებულ ქვეყნებსა თუ თურქეთში ავტომანქანების მფლობელები დიდი ხანია თხევად გაზს მოიხმარენ, ანუ თითქმის აღარ იყენებენ ბუნებრივ გაზს. მსოფლიო ბაზარზე თხევადი გაზის (LPG) წილი ყოველწლიურად იზრდება. თხევადი გაზის მომწოდებელი ლიდერი კომპანია ISLET GROUP-ი საქართველოში ოპერირებს სავაჭრო ნიშნით – EcoGas-ი.

აჭარის რეგიონში ISLET GROUP-ის შვილობილი კომპანია შპს „აჭარინვესტია“, რომელიც ქობულეთში, ხელვაჩაურსა და ბათუმში ფლობს გაზგასამართ სადგურებსა და თანამედროვედ აღჭურვილ სამონტაჟო ცენტრს.

რა უპირატესობა აქვს თხევად გაზს, როგორც ალტერნატიულ საწვავს, რატომ იზრდება მისი მოხმარება მსოფლიო ბაზარზე, რატომ ანიჭებს მომხმარებელი ამ საწვავს უპირატესობას? – ამის დადგენა რამდენიმე მნიშვნელოვანი დეტალით შეიძლება:

ხელსაყრელი პირობები ბაზარზე ალტერნატიული საწვავისთვის

ეკონომიურობიდან და უსაფრთხოებიდან გამომდინარე თხევად გაზზე მოთხოვნა განსაკუთრებით იზრდება ევროპასა და თურქეთში. მეზობელ თურქეთში, მაგალითად, ტაქსის კომპანიების 80% ოპერირებს თხევად გაზზე მომუშავე მანქანებით.

ეს საწვავი პოპულარულია კერძო პირებს შორისაც. საქართველოში, გასულ წლებში, ბუნებრივ გაზსა და სხვა საწვავს შორის ფასთა სხვაობა დიდი იყო. მსყიდველუნარიანობიდან გამომდინარე, მოსახლეობას მანქანები გადაჰყავდა ბუნებრივ გაზზე.

ბოლო წლებში თხევადი გაზის ბაზარზე გაჩნდა არაერთი მომწოდებელი, რამაც პროდუქტზე ფასები შეამცირა. ამასთან, თითქმის 50%-ით გაძვირდა ბუნებრივი გაზი და სხვა ნავთობპროდუქტები. ამ ვითარებაში თხევადი გაზის ფასი უკონკურენტოა.

თხევადი გაზი რამდენად უსაფრთხოა ბუნებრივ გაზთან შედარებით?

წნევა ბალონში, სადაც იტუმბება ბუნებრივი გაზი, 250-დან 300 ატმოსფერომდეა, თხევადი გაზის ბალონში კი – 12 ატმოსფერო. ე.ი. დაახლოებით 30-ჯერ მეტი წნევაა ბუნებრივი გაზის იმ ბალონში, რომელიც მანქანაშია დამონტაჟებული.

ბუნებრივი გაზის აპარატურის ექსპლუატაციის ვადებს სახელმწიფო აკონტროლებს, თუმცა, უსაფრთხოების თვალსაზრისით, ამ ორ პროდუქტს შორის სხვაობა მაინც არსებობს – ატმოსფერულ წნევებს შორის სხვაობის სახით.

განვითარებული ქვეყნების დიდ აეროპორტებსა და სავაჭრო ცენტრებში, უსაფრთხოების ზომებიდან გამომდინარე, აკრძალულია ბუნებრივ აირზე მომუშავე მანქანების გაჩერება… თხევადი გაზის შემთხვევაში ექსპლუატაციის ვადა ისეთივეა, როგორც ბენზინის შემთხვევაში.

გარდა ამისა, თხევადი გაზის წვის ტემპერატურა ბუნებრივი აირის ტემპერატურაზე თითქმის სამჯერ ნაკლებია, ისევე როგორც აალების ტემპერატურა.

ალტერნატიული საწვავის მოქმედება მანქანის ძრავაზე

ბუნებრივი გაზის გამოყენების დროს წვა მშრალი გზით ხდება, არ აქვს, მაგალითად, ზეთი, რასაც ძრავა 2-3 წლის შემდეგ მწყობრიდან გამოჰყავს.

თხევადი გაზი ისევე ზემოქმედებს ძრავაზე, როგორც, მაგალითად, ბენზინი. 95-ოქტანიანი ბენზინი (პრემიუმის ტიპის) რა სიმძლავრითაც ამუშავებს მანქანის ძრავას, მსგავსი წვა აქვს თხევად გაზსაც. კონდიციონერის მუშაობისას ძრავი მუშაობს სრული დატვირთვით და არ მცირდება სიმძლავრე.

ეკონომიურობა ბენზინთან ან ბუნებრივ გაზთან შედარებით

1 ლიტრი თხევადი გაზი უდრის თითქმის 1 ლიტრ ბენზინს. თუ 100 კილომეტრზე მანქანა მოიხმარს 14 ლიტრ ბენზინს, თხევადი გაზიც მაქსიმუმ 14-15 ლიტრია საჭირო.

ერთი ლიტრი ბენზინი, პრემიუმი, საშუალოდ, 2,15-2,20 ლარი ღირს, ერთი ლიტრი თხევადი საწვავი EcoGas-ის გაზგასამართ სადგურებზე 1,2 ლარი ღირს იმ მძღოლებისთვის, რომლებიც ამავე კომპანიაში დაამონტაჟებენ გაზის აპარატურას.

ზოგადად, თხევადი გაზის ნებისმიერი მომხმარებელი სხვა საწვავთან შედარებით 30%-დან 40%-მდე თანხას დაზოგავს.

თხევადი გაზის აპარატურით მანქანების აღჭურვა თითქმის 2-ჯერ ნაკლები ღირს, ვიდრე ბუნებრივი გაზის. მაგალითად, 4-ცილინდრიან მანქანაში 40-62 ლიტრამდე ტევადობის ბალონის მონტაჟი 1100-1200 ლარი ღირს.

New design overviewგთავაზობთ ავტომობილების თხევად გაზზე გადასაყვანი აპარატურის
შეძენა-მონტაჟს უპროცენტო განვადებით
მისამართი: ხელვაჩაურის მუნიციპალიტეტი, სოფელი წინსვლა – თხევადი გაზის ბაზა.
დამატებითი ინფორმაციისთვის დაგვიკავშირდით:
593 39 54 55

 

მასალების გადაბეჭდვის წესი