ტოკიოს მთავრობამ კატასტროფის თავიდან აცილების მექანიზმი შეიმუშავა, რადგან სპეციალისტებმა დაადგინეს, რომ 70%-იანი ალბათობით, ტოკიოს მიდამოებში 7 ბალის სიმძლავრის მიწისძვრა მომდევნო 30 წელიწადში მოხდება. მიწისქვეშა მასიური რეზერვუარის აშენება 1992 წელს დაიწყო.
ზაფხულის პერიოდში გადაუღებელმა წვიმებმა და ტაიფუნმა ტოკიოს ცენტრალურ რაიონის დატბორვა არაერთხელ გამოიწვია. ქალაქი აშენებს მიწის ქვეშ მასიურ რეზერვუარებს, რომელსაც მაღალი დინების მართვის ცენტრი დაიცავს სანაპიროს ცუნამისა და მაღალი ტალღებისგან.
წყალდიდობისგან დაცვის სისტემა შედგება მიწისქვეშა გვირაბებისგან, რომელიც ქმნის მასიურ რეზერვუარს. მას 540 ათასი კუბური მეტრი ტევადობის წყლის მიღება შეუძლია. გვირაბები 4.5 კილომეტრის სიგრძის, 12.5 სიგანისა და 40 მეტრის სიღრმისაა.
იაპონიის მთავრობის ინფორმაციით, კატასტროფებს ყოველწლირად უამრავი ადამიანი სიცოცხლე და საკუთრება ეწირება იაპონიაში. 1950 წლიდან მოყოლებული მსხვილმასშტაბიანმა მიწისძვრებმა და ტაიფუნმა ათასობით ადამიანის სიკვდილი გამოიწვია.
ამის გათვალისწინებით, იაპონიის მთავრობამ შეიმუშავა კატასტროფის თავიდან აცილების გეგმა. გეგმის ფარგლებში მთავრობამ შიემუშავა მიწის კონსერვაციის პროგრამა ქვეყნის მასშტაბით, ამინდის პროგნოზის გაუმჯობესება, კატასტროფების შესახებ საინფორმაციო კომუნიკაციების სისტემის გაუმჯობესება. ამის შემდეგად კატასტროფების რაოდენობამ იკლო.