უკრაინელი სამხედრო პილოტისა და რადას წევრის, ნადია სავჩენკოსადმი სოლიდარობის ნიშნად კიევში, რუსეთის საელჩოს წინ 2,000-მდე ადამიანი შეიკრიბა. აქციაზე შეკრებილები სავჩენკოს დაუყონებლივ გათავისუფლებასა და უკრაინაში დაბრუნებას მოითხოვდნენ.
ნადია სავჩენკოსათვის რუსეთის პროკურატურა 23 წლით თავისუფლების აღკვეთას მოითხოვს. მას ბრალად ორი რუსი ჟურნალისტისა და რამდენიმე რუსეთის მოქალაქის მკვლელობა ედება. ნადია სავჩენკო აღმოსავლეთ უკრაინაში მოხალისეთა დანაყოფში პილოტად მსახურობდა. ის რუსმა სამართალდამცავებმა 2014 წლის ივნისში დააკავეს და 20 თვეზე მეტია პატიმრობაში იმყოფება. 3 მარტს ნადია სავჩენკომ შიმშილობა დაიწყო . მისი თქმით, პროკურორის მოთხოვნის დაკმაყოფილების შემთხვევაში წყლის მიღებაზეც იტყვის უარს.
ასევე, ინტერნეტში გავრცელდა პეტიცია ნადია სავჩენკოს გათავისუფლების მოთხოვნით. მას 2,000-მდე პირი აწერს ხელს. მათ შორის ცნობილი მწერლები, ადამიანის უფლებების დამცველები და ნობელის პრემიის ლაურეატები. სავჩენკოს ბოლო სიტყვა სასამართლოში:
Последнее слово Надежды Савченко«Пока за меня будут торговаться, жизнь меня будет покидать. И Россия меня все равно вернет в Украину. Живой или мертвой».Послушайте последнее слово Надежды Савченко:
Posted by Телеканал Дождь on Thursday, 3 March 2016
9 მარტს, ნადია სავჩენკოს მხარდამჭერი აქცია იგეგმება თბილისშიც.