სამეგრელოში, სოფელ ურთაში პოლიცია 3 კაცს ეძებს. ტელეკომპანია “იმედის” ინფორმაციით, დაკარგულები საქონლით ვაჭრობდნენ და სოფელში ამ მიზნით იმყოფებოდნენ.
“იმედის” ცნობით, ნაპოვნია ერთ-ერთის მობილური ტელეფონი და მათი ავტომობილი. პოლიცია დაკარგულებს 10 თებერვლიდან ეძებს.
როგორც ნეტგაზეთს შსს-ში განუცხადეს, გამოძიება დაწყებულია სისხლის სამართლის კოდექსის 143-ე მუხლით, რაც თავისუფლების უკანონო აღკვეთას გულისხმობს.