ფინანსთა სამინისტროს საგამოძიებო სამსახურმა SAMSUNG-ის ფირმის სასაქონლო ნიშნის მართლსაწინააღმდეგოდ გამოყენების ბრალდებით, სისხლის სისხლის სამართლის პასუხისგებაში მისცა შპს “მანგის” ხელმძღვანელი ლ. გ.
გამოძიების ინფორმაციით, ბრალდებული “ლილოს ბაზრობის” მიმდებარე ტერიტორიაზე სხვადასხვა სავაჭრო ობიექტში დაბალხარისხიან, გაზზე მომუშავე წყლის გამათბობლებს ყიდდა, რომელსაც კანონსაწინააღმდეგოდ აკრავდა SAMSUNG-ის სასაქონლო მარკას.
საგამოძიებო სამსახური აცხადებს, რომ მხოლოდ 2016 წლის 9 თებერვალს ლევან გამჯაშვილმა SAMSUNG-ის მარკით უკანონოდ ნიშანდებული, დიდი ოდენობით გაზის წყლის გამათბობლების რეალიზაცია მოახდინა, რამაც მნიშვნელოვნად დააზიანა მომხმარებლის უფლებები. თუმცა საგამოძებო სამსახური არ აკონრკეტებს ზიანის ოდენობას.
საქმეზე გამოძიება საქართველოს სისხლის სამართლის კოდექსის 196-ე მუხლის I ნაწილით მიმდინარეობს, რაც 2 წლამდე პატიმრობას ითვალისწინებს.