აღმოსავლეთ აშშ–ში ძლიერი ქარბუქისა და დიდი ოდენობით მოსული ნალექის გამო შაბათ–კვირას ნიუ–იორკისა და ვაშინგტონის ქუჩები თოვლით იყო დაფარული.
სწორედ ამ ქარბურის დროს დაფიქსირდა დიდთოვლობის მეორე ყველაზე მაღალი მაჩვენებელი ნიუ–იორკის ისტორიაში. შაბათს, შუაღამისას, ცენტრალ პარკში 68 სმ თოვლი დაფიქსირდა. ამინდის ეროვნული სამსახურის განცხადებით, 2006 წელს ეს მაჩვენებელი 68.3 სანტიმეტრი იყო.
BBC–ის ცნობით, ნიუ–იორკში დიდთოვლობის გამო 29 ადამიანი გარდაიცვალა. მათივე ცნობით, ამის მიზეზი ძირითადად ავტოავარიები, გაზით (კარბონის მონოქსიდით) მოწამვლა და გულის შეტევები გახდა.
რაც შეეხება ვაშინგტონს, აქ 57 სანტიმეტრის სიმაღლის თოვლი მოვიდა. ბალტიმორ–ვაშინგტონის საერთაშორისო აეროპორტში კი 74.2 სმ თოვლი დაფიქსირდა. როგორც BBC წერს, დღეს, ორშაბათს ვაშინგტონში სამთავრობო შენობები, ასევე, ბევრი სკოლა დაკეტილი იქნება.
თუმცა, როგორს ფოტოებიდან ჩანს, დიდთოვლობამ ბევრი ადამიანი გაამხიარულა.
ფოტორეპორტაჟი მომზადებულა ევროპის პრესფოტოსააგენტოს (EPA) ფოტოებზე დაყრდნობით.
იმყოფებით ისეთ ადგილას, სადაც დიდთოვლობაა? გადმოუგზავნეთ ფოტოები ნეტგაზეთს ფეისბუკის გვერდზე.