შინაგან საქმეთა სამინისტრო აქვეყნებს 2015 წელს (იანვარ–დეკემბერი) რეგისტრირებული დანაშაულის სტატისატიკას, სადაც ნათქვამია, რომ საქართველოს ყველა საგამოძებო უწყების მონაცემებით, სიცოცხლის წინააღმდეგ ჩადენილი დანაშაული 2014 წელთან შედარებით 13.01%–ით არის გაზრდილი.
კერძოდ, 2014 წელს რეგისტრირებულია 661 დანაშაული, გახსნის მაჩვენებლით 29.8%, ხოლო 2015 წელს რეგისტრირებულია 747 დანაშაული, საიდანაც 28.51% გახსნეს.
სიცოცხლის წინააღმდეგ ჩადენილი დანაშაულებიდან 2015 წელს განზრახ მკვლელობის მუხლით დარეგისტრირდა 94 დანაშაული, საიდანაც 79 გაიხსნა. დამამძიმებელ გარემოებებში განზრახ მკვლელობის მუხლით – 17 დანაშაული, საიდანაც 11 გაიხსნა. მკვლელობის მცდელობის მუხლით – 98 დანაშაული, საიდანაც 88 გაიხსნა.
თვითმკვლელობამდე მიყვანის მუხლით 2015 წელს რეგისტრირებული 395 დანაშაულიდან გახსნილი არც ერთი არ არის. ხოლო 2014 წელს რეგისტრირებული 334 დანაშაულიდან 3 არის გახსნილი.
საქართველოს ყველა საგამოძიებო უწყების მიერ 2015 წელს სულ დარეგისტრირდა 35 096 დანაშაული, რომელთაგან 21176 გაიხსნა. 2015 წელს რეგისტრირებული დანაშაული 2014 წლის მაჩვენებელზე 3.92%–ით ნაკლებია.