პრეზიდენტის რეზიდენციასთან, მშვიდობის ხიდის გასწვრივ, ახალი პარკი შენდება. რიყე პარკი, როგორც პროექტის ავტორები მას უწოდებენ, 6 მილიონ ლარზე მეტი ჯდება.

ესპანურ კომპანიას სიემდი ინჟინეროს, რომელიც პარკის სამუშაოებს ატარებს, თავის ოფიციალურ ინტერნეტ გვერდზე რიყე პარკის ბიუჯეტად 2 449 392 ევრო აქვს მითითებული (6 074 492 ლარი, 07.02.2010 კურსით). ამავე საიტზე ნათქვამია, რომ რიყე პარკისთვის ფული ძველი თბილისის რეაბილიტაციისა და განვითარების ფონდიდან არის გამოყოფილი.

51 ათას მ² ფართობის პარკი საქართველოს რუკის ფორმას იმეორებს, საქართველოს სხვადასხვა კუთხეს აქ თავისი ფუნქციები აქვს – ნათქვამია პარკის აღწერილობაში.