საავტომობილო გზების დეპარტამენტის ცნობით, ქვეყნის მასშტაბით, საერთაშორისო და შიდასახელმწიფოებრივი მნიშვნელობის საავტომობილო გზებზე დიდთოვლობის გამო დაწესებული შეზღუდვები მინიმუმადეა დაყვანილი. თუმცა, რეგიონებში მოქალაქეები აცხადებენ, რომ მანქანების გადაადგილება შეზღუდულია.
თუკი იმყოფებით ადგილას, რომელიც დიდთოვლობამ დააზარალა, Netgazeti გთხოვთ, მოგვაწოდოთ ფოტოები და ინფორმაცია.
დასავლეთ საქართველოში ამინდი ახალი წლის დადგომისთანავე გაუარესდა. უმეტეს რაიონში ნალექი თოვლის სახით მოვიდა.
წალენჯიხის რაიონის სოფელ ობუჯში, ჯაღირას უბანში მყოფი mediachecker.ge-ის ანალიტიკოსი დავით კახიანი ნეტგაზეთთან ამბობს, რომ დიდი თოვლის გამო გზაზე გადაადგილებას მაღალი გამავლობის მანქანებიც ვერ ახერხებენ და რაიონულ ცენტრთან დამაკავშირებელი არანაირი მექანიზმი არ არსებობს. ამავდროულად, სოფელში არ არის ელექტროენერგია. მან მუნიციპალიტეტის გამგებელთან დაკავშირება ვერ მოახერხა.
“პირველი პრობლემა, რამაც შემაშინა, ბავშვთან ერთად ვარ მოსული. ფეხით უნდა წახვიდე, რაიონულ ცენტრამდე არის 10 კილომეტრი სადაც არის საავადმყოფო და ა.შ,”– ამბობს დავით კახიანი.
იგი ამბობს, რომ ადგილობრივებს არ ჰქონდათ მომარაგებული საკვები და ცოტა შეშინდნენ, რადგანაც 3 დღეა გზა არ გაწმენდილა.
“ახლა ამბობენ, რომ ტრაქტორი ამოვა და გზა გაიწმინდება, მაგრამ ჯერ–ჯერობით არ ჩანს,”– ამბობს ის.
ქუთაისში ადგილობრივები აცხადებენ, რომ გზები გაწმინდეს გუშინ, 4 იანვარს, თუმცა დღეს ქალაქში გადაადგილება მანქანებს კვლავ უჭირთ და იყო მანქანის მოსრიალების შემთხვევაც:
არასამთავრობო ორგანიზაცია სამართლიანი არჩევნების აღმასრულებელი დირექტორი ნინო ლომჯარია საკუთარ ფეისბუკის გვერდზე წერს, რომ თოვლის გამო შეფერხებაა ლანჩხუთი–სამტრედიის მონაკვეთზეც:
ის, რაც ახლა ცენტრალურ ტრასაზე ხდება, ქვია უპატრონო ქვეყანაში ცხოვრება, მეტი სახელი არა აქვს ერთადერთ ცენტრალურ გზას რომ არ გაწმენდ და ტრაილერებს რომ არ აკრძალავ რომ არ იარონ
Posted by Nino Lomjaria on Tuesday, January 5, 2016