“რუსულ-ქართული ურთიერთობების ნორმალიზაციის პროცესის კონტექსტში და ქვეყნებს შორის პოზიტიური ტენდენციების სტიმულირების ინტერესებიდან გამომდინარე, 2015 წლის 23 დეკემბრიდან საქართველოს მოქალაქეებს გაუფორმდებათ სხვადასხვა ხანგრძლივობის საქმიანი, სამუშაო, სასწავლო და ჰუმანიტარული ვიზები”, – ნათქვამია რუსეთის საგარეო უწყების განცხადებაში.

განცხადებაში ასევე წერია, რომ გამარტივებულად გაიცემა კერძო ვიზებიც.

“რუსულ მხარეს მტკიცედ აქვს გადაწყვეტილი, რომ მომავალშიც გადადგას ნაბიჯები, რომელიც მიმართული იქნება ორი ქვეყნის მოქალაქეთა ურთიერთობის გასამარტივებლად, ურთიერთშეთანხმების საფუძველზე უვიზო რეჟიმის შემოღების ჩათვლით”.