2016 წლის ევროფესტივალზე საქართველოს ჯგუფი Young Georgian Lolitaz წარადგენს.
სიმღერა, რომლითაც ჯგუფი ევროვიზიის სცენაზე წარსდგება, ჯერ არ არის ცნობილი, საზოგადოებრივი მაუწყებელი სიმღერის შესარჩევად კონკურსს აცხადებს. თავდაპირველად შეირჩევა 5 სიმღერა, მეორე ეტაპზე კი საზოგადოება და ჟიური ერთად შეარჩევს სიმღერას, რომლითაც ჯგუფი ევროფესტივალზე საქართველოს წარადგენს.
2000 წელს შექმნილი ჯგუფი 4 წევრისგან შედგება: ნიკა კოჩაროვი, ლევან შანშიაშვილი, გიორგი მარი და დიმა ოგანესიანი. მათი მუსიკა ალტერნატიული როკის ჟანრს მიეკუთვნება. ჯგუფი 15 წელია არსებობს.
2016 წლის ევროვიზიას 10, 12 და 14 მაისს შვედეთი უმასპინძლებს.