სახელმწიფო აუდიტის სამსახურის ინფორმაციით, 2015 წლის განმავლობაში (01.01.2015 – 09.12.2015 პერიოდი) პოლიტიკურმა პარტიებმა 1 409 319 ლარის ოდენობის შემოწირულობა მიიღეს. ამ თანხაში ასახულია, როგორც ფულადი, ისე არაფულადი შემოწირულობა.
ყველაზე მეტი თანხა პარტიებიდან “ქართულ ოცნება – დემოკრატიულ საქართველოს” შეწირეს – 536 355 ლარი, მეორე ადგილზეა თავისუფალი დემოკრატები – 279 710, მესამეზე – ენმ 260 230 ლარით, მეოთხეზე – პატრიოტთა ალიანსი 171 170 ლარით.