საქართველოს ფინანსთა სამინისტროს საგამოძიებო სამსახურმა ქრთამის აღების ბრალდებით აჭარის სატყეო სააგენტოს თანამშრომელი დააკავა.
გამოძიების ცნობით, ბრალდებულმა კორუფციული გარიგება დადო ერთ-ერთ მოქალაქესთან, მისცა უფლება უკანონოდ მოეპოვებინა ხე-ტყის მასალა ხელვაჩაურის მუნიცპალიტეტის ტერიტორიაზე და საკუთარ თავზე აიღო უკანონოდ მოპოვებული მასალის ტრანსპორტირება.
გამოძიების ინფორმაციით, ამ გარიგებისთვის დაკავებულმა ქრთამის სახით 4 500 ლარი მოითხოვა და წინასწარ აიღო მოთხოვნილი თანხის ნაწილი.
საქმეზე გამოძიება გრძელდება საქართველოს სისხლის სამართლის კოდექსის 338-ე მუხლის პირველი ნაწილით, რაც ითვალისწინებს თავისუფლების აღკვეთას 9 წლამდე ვადით.