რუსეთი, სავარაუდოდ, 12 თვეში მსოფლიო სავაჭრო ორგანიზაციას შეუერთდება. ამის შესახებ აშშ-ს პრეზიდენტის მრჩეველმა ეკონომიკის დარგში ლორენს სამერსმა მოსკოვში ვიზიტის დროს განაცხადა.
სამერსი მოსკოვში 19 ოქტომბერს მის კოლეგას იგორ შუვალოვს შეხვდა. რუსეთის მსო-ში გაწევრიანებაზე აშშ-ს მრჩეველმა სწორედ ამ შეხვედრის შემდეგ ისაუბრა.
საინფორმაციო სააგენტო ინტერფაქსის ინფორმაციით, პრესკონფერენციაზე ითქვა, რომ ის საკითხები, რომლებიც რუსეთის მსო-ში გაწევრიანებას წინ ეღობება, უახლოეს რამდენიმე თვეში მოლაპარაკებების გზით უნდა მოგვარდეს.
რუსეთი მსოფლიო სავაჭრო ორგანიზაციაში გაწევრიანებას 15 წელია ცდილობს. თუ მსო-ში შემავალი ერთ ქვეყანა მაინც არ დაუჭერს მხარს მეორე ქვეყნის გაწევრიანებას, ეს უკანასკნელი ვერ შეძლებს ორგანიზაციაში გაწევრიანებას.
საქართველო, რომელიც მსო-ს წევრია, რუსეთის გაწევრიანებას ორგანიზაციაში ეწინააღმდეგება.