ავტოავარიის დროს გარდაიცვალა მათემატიკოსის მეუღლე ალისია ნეშიც, რომელიც მასთან ერთად ტაქსში იმყოფებოდა. როგორც BBC წერს, ავტოავარიის დროს მათ ღვედი არ ეკეთათ.
ჯონ ფორბს ნეში უმცროსი 1928 წლის 13 ივნისს დაიბადა. პრინსტონის უნივერსიტეტში უფროს მკვლევარ- მათემატიკოსად მუშაობდა. ნეშს წვლილი მიუძღვის ისეთი მიმართულებების განვითარებაში, როგორებიცაა თამაშის თეორია, დიფერენციალური გეომეტრია და კერძოწარმოებულიანი დიფერენციალური განტოლებები. 1994 წელს მან მიიღო ნობელის პრემია ეკონომიკაში შეტანილი წვლილისთვის, რეინჰარდ სელტენთან და ჯონ ჰარსანისთან ერთად.
ფილმ “ბრწყინვალე გონებას”, რომელიც 2001 წელს გამოვიდა, საფუძვლად ჯონ ნეშის ცხოვრება დაედო – მისი მიღწევები მათემატიკაში და ბრძოლა შიზოფრენიასთან. მსახიობმა რასელ ქროუმ, რომელიც ფილმში ნეშის როლს თამაშობდა, მათემატიკოსის გარდაცვალების გამო მწუხარება საკუთარ ტვიტერის გვერდზე გამოთქვა.
Stunned…my heart goes out to John & Alicia & family. An amazing partnership. Beautiful minds, beautiful hearts. https://t.co/XF4V9MBwU4
— Russell Crowe (@russellcrowe) May 24, 2015
