მიწისძვრის ეპიცენტრი ნეპალის დედაქალაქ კატმანდუდან და ქალაქ პოხარადან თანაბარი მანძილით იყო დაშორებული. როგორც BBC წერს, ბიძგები გავრცელდა მთელ რეგიონში, მათ შორის პაკისტანში, ბანგლადეშში და მეზობელ ინდოეთშიც.

მიწისძვრის შემდეგ შეშინებული მოსახლეობა ქუჩაში გამოვიდა. მობილური კავშირი და სხვა სახის კომუნიკაციები გაითიშა.

თვითმხილველებისა და ოფიციალური პირების განცხადებით, ნეპალის დედაქალაქის ისტორიული ძეგლების უმეტესობა მიწისძვირის შედეგად განადგურდა.

საქართველოს პრეზიდენტმა, პრემიერ-მინისტრმა და საგარეო საქმეთა სამინისტრომ ნეპალელ ხალხს სამძიმარი გამოუცხადა.