ლეონიდ ჩერნოვეცკი: ძირითადად დაკავებული ვარ ქველმოქმდებით

 

ლეონიდ ჩერნოვეცკი სიამოვნებით ყვება მის საქველმოქმედო ფონდზე რომელიც უკრაინული ფონდის მსგავსად საქართველოშიც დააფუძნა. ჩერნოვეცკი უკრაინაში 18 წლის განმავლობაში დაკავებული იყო საქვემოქმედო საქმიანობით ხოლო საქართველოში გადმოსვლის შემდეგ მან დაიწყო ამ სფეროში საქმიანობა.

 

ძირითადად დაკავებული ვარ ქველმოქმედებით, ამ ეტაპზე ნაკლებად ვარ დაკავებული ბიზნესით, მაქვს რამდენიმე ინტერნეტ პროექტი, მაგრამ ძირითადი საქმიანობა მაინც ქველმოქმედებაა ჩვენ პასუხისმგებლობა ავიღეთ მოვუაროთ და ვიზრუნოთ 500 ხანდაზმულზე, რომლებიც ფაქტიურად ვერ გადაადგილდებიან დამოუკიდებლად, წვანან საწოლში გაუნძრევლად და ასე რომ ვთქვათ ცოცხლად ლპებიან ლოგინში. მათთან მიდიან ჩვენი ექთნები, უწევენ სამედიცინო მომსახურებას, უცვლიან პამპერსებს, ვაწვდით მათ საკვებს. მართალია ვუკეთებთ ყველაზე ელემენტარულს, მაგრამ ისინი ცოცხლობენ. ჩვენ მათთვის მოვაწყეთ დიდი ღონისძიება, სამწუხაროდ ყველა მათგანს არ შეუძლია ლოგინიდან ადგომა. 

შეგახსნებთ რომ კიევის ყოფილი მერი ლეონიდ ჩერნოვეცკი რომელიც ორჯერ იქნა არჩეული კიევის მერად და წარმოადგენს უკრაინის ერთ ერთ ყველაზე წარმატებულ ბიზნესმენს და არის უკრაინის მასშტაბით ერთ ერთი ყველაზე ცნობადი ადამიანი, ქობულეთში ცხოვრობს.

ჩერნოვეცკიმ საქართველოში გადმოსვლის პირველივე ეტაპზე დაარსა საქველმოქმქედო ფონდი ,,სოციალური პარნტნიორობა”, რომელიც აქტიურად ანხორციელებს სხვადასხვა სახის საქველემოქედო საქმიანობას საქართველოში. ჩერნოვეცკის ფონდმა დაარსების დღიდან ქველქმოემედებაზე საქართველოში დახარჯა 3 მილიონ ლარზე მეტი.

ჩერნოვეცკის ფონდი აწარმოებს ყველაზე დიდ შინმოვლის პროგრამას საქართველოში, რომლის ფარგლებშიც ყოველდღიურად 500 საწოლს მიჯაჭვული მოხუცი იღებს ექთნის უფასო მომსახურებას, უფასო მედიკამენტებს და საკვებს.

მისი ფონდი ფლობს თბილისში უმაღლესი სტანდარტების დონის საოჯახო ტიპის ბავშთა სახლს. ფონდი ასევე ეხმარება მრავალშვილიან ოჯახებს.

ჩერნოვეცკის ფონდმა 23 ნოემბერს ქობულეთში გახსნა გენერალ გიორგი მაზნიაშვილის სახელობის პანსიონი, სადაც ცხოვრობენ ბავშვები სოციალურად დაუცველი ოჯახებიდან. ისინი იღებენ დამატებით განათლებას და არიან სრულიად უზრუნველყოფილნი ყოველდღიური საჭიროებებით

ნეტგაზეთის მასალების სხვა გამოცემებში გადაბეჭდვის წესი


რეკლამა