უკრაინის ახლადარჩეული პრეზიდენტი ვოლოდიმირ ზელენსკი აშშ-ს პრეზიდენტმა, დონალდ ტრამპმა, ვაშინგტონში მიიწვია. ამის შესახებ უკრაინული მედია ზელენსკის ადმინისტრაციაზე დაყრდნობით იუწყება.

უკრაინის პრეზიდენტის ადმინისტრაცია მადლობას უხდის ტრამპს მიწვევისთვის და აღნიშნავს, რომ აშშ-ს კონგრესის წარმომადგენელთა პალატის მიერ მიღებული უკრაინის ტერიტორიული მთლიანობის მხარდამჭერი კანონპროექტი ორი ქვეყნის სტრატეგიული პარტნიორობისთვის მნიშვნელოვანია.

ზელენსკიმ უკრაინის საპრეზიდენტო არჩევნების მეორე ტურში ქვეყნის მოქმედი პრეზიდენტი პეტრო პოროშენკო დაამარცხა და ხმათა 73% მიიღო.