“Ryanair-თან, ფაქტობრივად, მოწერილია ხელი” – გიორგი ქობულია

ეკონომიკისა და მდგრადი განვითარების ყოფილი მინისტრის, გიორგი ქობულიას თქმით, საქართველოში პირდაპირი რეისების შესრულებასთან დაკავშირებით ირლანდიურ დაბალბიუჯეტურ ავიაკომპანია Ryanair-თან შეთანხმება, ფაქტობრივად, ხელმოწერილია.

“სამოქალაქო ავიაციაში წინ წავიწიეთ დამატებითი პირდაპირი რეისების თვალსაზრისით. ავიაკომპანიებთან მოლაპარაკებები მიმდინარეობს პირდაპირ რეისებზე. “რაინეართან”, ფაქტობრივად, მოწერილია ხელი,” – აცხადებს ქობულია.

ნეტგაზეთი ეკონიმიკის სამინისტროს პრესსამსახურს დაუკავშირდა. გვაინტერესებდა, ნამდვილად არსებობს თუ არა შეთანხმება ავიაკომპანიასთან. უწყების პასუხს მიღებისთანავე გავავრცელებთ.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.