არასრულწლოვნის მდგომარეობა, რომელიც დაახლოებით ერთი კვირის წინ თბილისში, საცხოვრებელი სახლის მე-8 სართულიდან გადმოვარდა, დამაკმაყოფილებელია. იაშვილის კლინიკაში ნეტგაზეთს უთხრეს, რომ ბავშვს დღეს ან ხვალ საავადმყოფოდან გაწერენ.
რაც შეეხება შემთხვევას, შსს-ს თქმით, 8 მაისს ბავშვი მე-8 სართულიდან გადმოვარდა. სამართალდამცველების მისვლისას მას სიცოცხლესთან შეუთავსებელი მოტეხილობები არ აღმოაჩნდა, თუმცა მრავლობითი დაზიანებით საავადმყოფოში გადაიყვანეს. ამ დროისთვის მიმდინარეობს მოკვლევა.