იმერეთში სახელმწიფო რწმუნებულმა, შავლეგო ტაბატაძემ თანამდებობა პირადი განცხადების საფუძველზე დატოვა. ინფორმაცია საქართველოს პრემიერ-მინისტრმა, მამუკა ბახტაძემ დაადასტურა.

შავლეგო გამორჩეული ადამიანია ჩვენს გუნდში. ის არის გენერალი, სამხედრო და ჰქონდა სურვილი, დაბრუნებოდა საკუთარ პროფესიას. მინდა შავლეგოს მადლობა გადავუხადო იმისთვის, რაც ამ პოსტზე ყოფნისას შეძლო და გააკეთა”, – განუცხადა ჟურნალისტებს პრემიერმა.

გუბერნატორობამდე შავლეგო ტაბატაძე იყო აღმოსავლეთის გენერალური შტაბის სახმელეთო ჯარების სარდალი. ის ორი წლის განმავლობაში ხელმძღვანელობდა ქართული ჯარების სწავლებებს და მონაწილეობდა საქართველოს საერთაშორისო მისიებში.