ესპანელი ფეხბურთელი იკერ კასილასი წვრთნების დროს, სავარაუდოდ, გულის შეტევის დიაგნოზით საავადმყოფოში გადაიყვანეს.
INDEPENDENT ექიმებზე დაყრდნობით წერს, რომ მის სიცოცხლეს ამ დროისთვის საფრთხე არ ემუქრება.
37 წლის ფეხბურთელი მსოფლიოს ერთ-ერთი ყველაზე ცნობილი მეკარეა. საფეხბურთო კარიერის განმავლობაში მას 1000-ზე მეტ მატჩში აქვს მონაწილეობა მიღებული.
2010 წელს კასილასი ესპანეთის ნაკრებს მსოფლიო ჩემპიონის ტიტულის მოპოვებაში დაეხმარა, ხოლო მადრიდის რეალის შემადგენლობაში ჩემპიონთა ლიგა 3-ჯერ მოიგო.
ამჯერად ის პორტუგალიურ კლუბ პორტუში თამაშობს.