საქართველოს პარლამენტმა უზენაესი სასამართლოს მოსამართლეთა უვადოდ დანიშვნის შესახებ პარლამენტის თავმჯდომარის, ირაკლი კობახიძისა და საპარლამენტო უმრავლესობის მიერ მომზადებული კანონპროექტი მესამე მოსმენით დაამტკიცა, ეკა ბესელიასა და 12 დეპუტატის მიერ მომზადებული ცვლილებები კი პირველი მოსმენით ჩააგდო.

“საერთო სასამართლოების შესახებ” ორგანულ კანონში უმრავლესობის მიერ მომზადებულ ცვლილებებს 87-მა დეპუტატმა დაუჭირა მხარი, 33-მა კი წინააღმდეგ მისცა ხმა. 33 მოწინააღმდეგეს შორის იყო მმართველი გუნდის 2 წარმომადგენელი – ალექსანდრე ერქვანია და ლევან კობერიძე.