გუდამაყრის ხეობაში, სადაც გუშინ ხანძარი გაჩნდა, ცეცხლი ლოკალიზებულია. ამის შესახებ ნეტგაზეტს საგანგებო სიტუაციათა მართვის სააგენტოში უთხრეს.
უწყების ინფორმაციით, ხანძრის გავრცელების საფრთხე აღარ არსებობს, ადგილზე კი შესაძლო საფრთხის პრევენციის მიზნით 80-მდე მეხანძრეა მობილიზებული. წინასწარი ინფორმაციით, ხანძარი 5 ჰა ტერიტორიაზე გავრცელდა. შემთხვევის შედეგად არავინ დაშავებულა.
