პრეზიდენტის პრესსპიკერ ხატია მოისწრაფიშვილის თქმით, ლაშა ჟვანია პრეზიდენტის ადმინისტრაციაში თავიდანვე იმ პირობით მივიდა, რომ მენეჯმენტის დალაგების შემდეგ ძველ სამსახურში – საპტრიარქოში დაბრუნდებოდა.
“ბატონი ლაშა საქართველოს პრეზიდენტის ადმინისტრაციაში მოვიდა საპატრიარქოდან, სადაც ის 8 წელზე დიდი ხნის განმავლობაში მუშაობდა და ის მოვიდა იმ პირობით, რომ მას შემდეგ, რაც აქ დალაგდებოდა მენეჯმენტი, გარკვეული დროის შემდეგ შეძლებდა უკან დაბრუნებას. მას იქ მუშაობის ძალიან დიდი ინტერესი აქვს. 1-ელ მაისამდე რჩება სამსახურში და შემდეგ დაბრუნდება საპატრიარქოში”, – განაცხადა ხატია მოისწრაფიშვილმა.
პრესსპიკერმა ლაშა ჟვანიასა და საქართველოს პრეზიდენტს შორის რამე სახის დაპირისპირების არსებობა უარყო.
საქართველოს პრეზიდენტის ადმინისტრციის ხელმძღვანელმა ლაშა ჟვანიამ თანამდებობა დატოვა და პატრიარქის ფონდში ბრუნდება.
ამავე თემაზე:
ჟვანია: ვტოვებ პრეზიდენტის ადმინისტრაციას და ვაგრძელებ მუშაობას ჩემს პატრიარქთან
