ახალი ამბები

საპენსიო სქემა 2900-მა ადამიანმა დატოვა – სურგულაძე

23 აპრილი, 2019 • 1203
საპენსიო სქემა 2900-მა ადამიანმა დატოვა – სურგულაძე

დაგროვებითი საპენსიო სისტემა 2900-მა ადამიანმა დატოვა. ამის შესახებ საპენსიო სააგენტოს დირექტომა ლევან სურგულაძემ განაცხადა პარლამენტში ეკონომიკის კომიტეტის სხდომის დაწყებამდე, სადაც დეპუტატებს 100-დღიანი მუშაობის შედეგებს აცნობს.

“რეფორმა მიმდინარეობს წარმატებით. ჩვენს სისტემაში გაწევრიანებულია 750 ათას ადამიანზე მეტი. საპენსიო შენატანების მოცულობა დაახლოებით 175 მლნ ლარია. მომართვიანობა არის, სისტემიდან გასულია 2900 ადამიანი”, – განაცხადა სურგულაძემ.

საპენსიო სქემის დატოვება შეუძლიათ მხოლოდ იმ პირებს, რომლებიც 2018 წლის 6 აგვისტოს უკვე იყვნენ 40 წლის ან მეტის. თუ 40 წელი ამ თარიღის შემდეგ შეგისრულდათ, საპენსიო სქემას ვეღარ დატოვებთ.

10 ცნობა, რაც უნდა იცოდეთ, თუ საპენსიო სქემის დატოვება გადაწყვიტეთ

 

მასალების გადაბეჭდვის წესი