მადეირაში, ქალაქ კანისუსთან ავტობუსი გზიდან გადავარდა. შემთხვევას, სულ მცირე, 28 ადამიანი ემსხვერპლა, 22 კი დაშავდა. BBC-ის ინფორმაციით, ავტობუსს ძირითადად ტურისტები გადაჰყავდა.
შემთხვევა ადგილობრივი დროით 18:30 საათზე მოხდა, როდესაც ავტობუსის მძღოლმა კონტროლი დაკარგა და გზიდან გადავარდა. დაშავებულები სასწრაფომ მადეირას დედაქალაქის – ფუნშალის ერთ-ერთ საავადმყოფოში გადაიყვანა.
