უწყების ინფორმაციით, ზღვის დონიდან 3653 მეტრზე 9 ტონა ნაგავი მოგროვდა.
“ნარჩენები მყინვარიდან სასაზღვრო პოლიციის ვერტმფრენის საშუალებით გაიტანეს. უკანასკნელად მყინვარწვერის მიმდებარე ტერიტორია 2004 წელს დაასუფთავეს. ყოველწლიურად მყინვარწვერს ათასობით როგორც მოყვარული, ასევე პროფესიონალი მთასვლელი სტუმრობს. მარტო ბეთლემის ქოხში 3 ათასზე მეტი უცხოელი სტუმროს. მყინვარწვერიდან ნარჩენების გატანა ტურიზმის ეროვნული ადმინისტრაციის დასუფთავების ყოველთვიური აქციის ფარგლებში განხორციელდა. აქციაში მყინვარწვერთან მდებარე ბეთლემის ქოხის თანამშრომლები და ადგილობრივი მოსახლეობა მონაწილეობდა,”- წერია ტურიზმის ეროვნული ადმინისტრაციის განცხადებაში.