მათემატიკის საერთაშორისო ოლიმპიადაში გოგოებს შორის (EGMO), რომელიც 7-12 აპრილს გაიმართა, საქართველოს გუნდმა მსოფლიოში მე-11 ადგილი დაიკავა, ევროპაში — მე-8. პირველ ადგილზე აშშ-ის გუნდი გავიდა.
რაც შეეხება პერსონალურ შედეგებს — საქართველოს 4-წევრიანი გუნდიდან:
- 16 წლის ანა ონოფრიშვილმა ოქროს მედალი მოიპოვა და საერთო რეიტინგში მე-17 ადგილზე გავიდა;
- 16 წლის თამარ კორკოტაშვილმა ვერცხლის მედალი მოიპოვა და 24-ე ადგილზე გავიდა;
- 15 წლის მარიამ ივარდავამაც ვერცხლის მედალი მოიპოვა და 56-ე ადგილი დაიკავა;
- 16 წლის ქეთი სულამანიძემ საპატიო სიგელი მიიღო და 149-ე ადგილი დაიკავა;
მოსწავლეების დიმიტრი არაბიძე და ივანე გოქაძე ხელმძღვანელობდნენ.
ოლიმპიადაში სულ 50 ქვეყნის გუნდი მონაწილეობდა, ჯამში 196 მოსწავლე.
წინა წელს საქართველო ამავე ოლიმპიადაზე 25-ე ადგილზე გავიდა. EGMO 2012 წლიდან ტარდება. მონაწილეებმა 6 ამოცანა უნდა ამოხნსან; თითო ამოცანაში მაქსიმუმ შვიდი ქულის დაგროვებაა შესაძლებელი. ოლიმპიადაში 20 წლამდე ასაკის მოსწავლეები იღებენ მონაწილეობას.
ოლიმპიადა 2020 წელს ახალ ზელანდიაში ჩატარდება, 2021 წელს კი — ქუთაისში.
მოსწავლეებს ეს ამოცანები უნდა ამოეხსნათ:
ამოცანები
ამოცანები
