ოკუპირებულ აფხაზეთსა და სამხრეთ ოსეთში სახლების გაქირავების შესახებ ინფორმაცია კომპანია Airbnb-ის საიტზე კვლავ ხელმისაწვდომი რჩება.

Airbnb-იმ გაავრცელა განცხადება მდინარე იორდანეს დასავლეთ სანაპიროსთან დაკავშირებით. კომპანია აღნიშნავს, რომ აღარ წაშლის დასავლეთ სანაპიროს თავისი პლატფორმიდან, თუმცა აცნობიერებს საკითხის კომპლექსურობას და არ მიიღებს სარგებელს ამ რეგიონში სახლების გაქირავებიდან. კერძოდ, დასავლეთ სანაპიროზე სახლების გაქირავებიდან მიღებული შემოსავალს Airbnb არასამთავრობო ჰუმანიტარულ ორგანიზაციებს გადაურიცხავს.

ამავე განცხადებაში ვკითხულობთ, რომ იგივე მიდგომა გავრცელდება აფხაზეთსა და სამხრეთ ოსეთზე. მანამდე Airbnb-იმ განაცხადა, რომ აფხაზეთსა და სამხრეთ ოსეთში მდებარე სახლების მონაცემებს ვებგვერდიდან წაშლიდა.

Airbnb ვებგვერდიდან წაშლის სახლებს საქართველოს ოკუპირებული რეგიონებიდან